09:12 م
الأربعاء 23 أغسطس 2023
صرح مصدر مسئول من نادي فيوتشر، أن النادي أغلق ملف المستحقات المتأخرة لجميع اللاعبين الراحلين، سواء انتهت إعارتهم أو من خرجوا بيع نهائي وعلى رأسهم لاعبي النادي الأهلي.
وقال المصدر لـ “مصراوي”: ” اللاعب الوحيد الذي لم يحصل على الجزء المتبقي له من مستحقاته هو رضا بوبو خصوصا أنه أخطأ بنشر أكاذيب عبر صفحته وسيتم تقديم بلاغ ضده وشكوى في لجنة الانضباط”.
يذكر أن لاعب فيوتشر السابق وبيراميدز الحالي، رضا بوبو، كتب عبر حسابه الخاص بموقع التواصل الاجتماعي “فيسبوك”، جاء فيه: ” أنا ليا 4 مليون و200 ألف جنيه، واحد لا داعي لذكر اسمه لأنه ميعرفش ربنا، قعد يكلمني ولازم تمضي، أقوله ازاي ياكابتن أمضي مخالصة وأنا ليا فلوس، قولت مش همضي ومشيت ومضيت على الاستغناء”.
وأضاف: ” أكمل بوبو: “جالي اتصال إمضي وإنت فلوسك عندي، ومتقلقش إمضي إنت وزملائك اللي ماشيين، هنيجي ونسلم عليكم وتاخدوا الشيك بالدولار زي باقي الفرقة ونشكركم أكيد يعني، اتفقت مع الاتنين اللي كانوا معايا عشان كنا متفقين إننا هنعمل كل حاجه بالإتفاق مع بعض فقالوا هنضمي كلنا ونروح التلات ناخد الفلوس، مضينا علي الورقه ومكناش مدين أي خوانة، يوم التلات لقينا اللعيبه كلها صحبنا اللي في الفرقة طلعلهم فلوس، وكل واحد شيك ماعدا إحنا التلاته والتلاته المعاريين اللي مشيوا من النادي”.
اختتم: “أنا تم بيعي أنا وصحابي وحلينا أزمه للنادي برقم كبير، يعني أنا ممشيتش ببلاش ولا مكنتش بلعب ولا مكنتش مساهم في ده كله، عشان تاكل حقي بالطريقه دي أنا عارف الكلام ده هيضايق ناس، بس دي الحقيقة إن أنا ليا حق وعلى حق وأنا عمري ما كنت بخاف من أي حاجة، بس ازاي بتعرف تنام وتحط دماغك على المخدة وإنت أكل حق وشقى واحد، طلع عينه عشان يجمع رقم زي ده وإنت عايز تاكله عليه بكل سهوله، كده أنا مكلمتش حد من الصحفيين صحابي واللي أعرفهم، أنا حقي عند ربنا وربنا هيجبهولي أضعاف وأنا متاكد لإني مقصرتش في حاجة وربنا يعلم كده أنا من جوايا ارتحت”.
اقرأ أيضًا:
“حسبي الله ونعم الوكيل”.. رضا بوبو يكشف مفاجأة بخصوص مستحقاته لدى فيوتشر
