07:48 م
السبت 05 أكتوبر 2024
كتب ـ محمد الميموني:
قال مجدي عبد الغني، الإعلامي الرياضي ولاعب النادي الأهلي السابق خلال لقائه مع الإعلامية ياسمين عز، في برنامج”كلام الناس” المذاع على قناة ام بي سي مصر، إن محمد صلاح الأسطورة الحقيقة لكرة القدم المصرية “أنا مش بجامل دي حقيقة ومافيش حد عمل زي محمد صلاح بالأرقام “.
وأكد عبد الغني:”ربنا يسهل بعد ما محمد صلاح يخلص تستفيد بالمشوار اللي عمله و شهرته و احترافه في المستقبل مش يجي محمد صلاح يلاقينا كلنا حاقدين عليه وكلنا مش عاوزينه يظهر ده كلام مينفعش الراجل عمل اللي علية”.
رد عبد الغني على سؤال ياسمين عز: تتوقع محمد صلاح يسيب ليفربول؟، قال: “هما في أوروبا معندهمش عواطف وأنا لعبت في أوروبا 5 سنوات، لكن في إيده محمد صلاح يقعد في ليفربول أو ميقعدش”.
وأضاف عبد الغني: ” لازم نفتخر بمحمد صلاح إنه مصري ومحمد صلاح نجم النجوم ولغاية إمبارح جايب أجوال وانتي كمصرية لازم تفتخري بيه، أنا من أكتر الناس اللي اعترفت، ومحمد صلاح لو مشي على نفس المستوي ده هيجدد مع نادي ليفربول ولازم تعملي لقاء مع محمد صلاح هيعجبك دماغه وفكره وشخصيته “وانتي في السيت بتاعت الرجاله شاطرة يعني وانتي تستاهليها”.
